احنـــــــا المصريين..............!!!!

أنت تعرف حد أسمه المصرى؟

ده بنى أدم من بلد أسمها مصر و بيقولو عليها أم الدنيا

- طب المصرى ده شكلو عامل أزاى ؟؟

زى الناس العاديين بالظبط

طب انا أتعرف عليه من وسط الناس أزاى؟؟

انا هأولك شويه مواصفات مش هتلاقيها غير عندو و بكده هتعرف تفرقو عن بقيه الناس

المصري هو اللّي :

=ممكن يعدي التلاتين ولسه عايش مع أمه وأبوه وماعندهومش مشكله]

= بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

= بيحط الريموت كونترول في كيس بلاستيك كعادة فرعونية

= يقف يتكلم على الباب نص ساعة بعد إنتهاء الزيارة والسلام


= لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

= ييجي بعد معاده بساعتين ويفتكر إن ده عادي

=لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

=بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

=بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

=عنده صينية مانا عيل مش متربىرات متقسمة لتلات او أربع أقسام لزوم التسالي وعمره ماإستخدمها


=بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

=بيشيل طابع البريد من على الظرف لو الختم ماكانش عليه


=بيفتكر إن أي حد بيشتغل في الخليج بيغرف فلوس من غير حساب


=لو ربنا كرمة و أشترى عربية جديدة فورا بيركب للكراسي فرش

=طبعا غير الموبيل لازم يركبله وش جديد

= بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

= برده بيتخانق ساعة دفع الحساب بحرارة شديدة على إنه هو اللي لازم يدفع

= سرقوا منه العربية بس مشكلته هي المايتي زينجر


= بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا